पोखरा : नवौँ गोदावरी पुष्प प्रदर्शनी तथा पाँचौँ गण्डकी प्रादेशिक एवं तेस्रो सयपत्री पुष्प मेला २०८३ पोखरामा सुरु भएको छ । फ्लोरिकल्चर एसोसिएसन गण्डकीको आयोजनामा सुरु भएको मेलाको पोखरा महानगरपालिकाका प्रमुख धनराज आचार्यले उद्घाटन गरेका हुन् ।
उद्घाटन कार्यक्रममा आचार्यले पोखरालाई पुष्पजन्य उत्पादनमा आत्मनिर्भर बनाउन उत्पादन र उत्पादकत्व बढाउनुपर्ने बताए। उनले स्थानीय उत्पादनलाई प्रोत्साहन गर्दै गुणस्तरीय उत्पादन र व्यवस्थित बजारमा ध्यान दिनुपर्नेमा जोड दिए ।
बिज्ञापन
उनका अनुसार पोखरा क्षेत्रमा दुई सय रोपनीभन्दा बढी जमिनमा सयपत्री फूलको व्यावसायिक खेती हुँदै आएको छ । पोखरामा वार्षिक दुईदेखि तीन करोड रुपैयाँ बराबरको फूलको कारोबार हुने अनुमान छ ।
बिज्ञापन
मेलामा गोदावरी, सयपत्रीलगायत विभिन्न प्रजातिका फूल तथा सजावटी बिरुवाको प्रदर्शनी र बिक्रीवितरण भइरहेको आयोजकले जनाएको छ। मेलाको उद्देश्य स्थानीय उत्पादनको बजारीकरण, पुष्प व्यवसायको प्रवर्द्धन र कृषकलाई प्रोत्साहन गर्नु रहेको छ
