जाजरकोटमा पुनः ५.८ रेक्टरको भूकम्पको धक्का
काठमाडौं । जाजरकोट रामिडाँडा केन्द्रबिन्दु भएर फेरि भूकम्पको पराकम्प गएको छ । अपराह्न ४ः३४ बजे जाजरकोट केन्द्रबिन्दु भएर ५.८ रेक्टरस्केलको भूकम्प गएको राष्ट्रिय भूकम्प मापन केन्द्रका भूकम्पविद् भरतप्रसाद कोइरालाले बताउनुभयो ।
भूकम्पको पराकम्पले के-कति क्षति भयो भन्ने विवरण आउन बाँकी रहेको उहाँले बताउनुभयो । भूकम्प पराकम्पको धक्का पश्चिम नेपालका जिल्ला साथै काठमाडौँ उपत्यकासम्म महसुस गरिएको छ ।
