शेयर बजार आज पनि घट्यो
काठमाडौँ : शेयर बजार आज पनि घटेको छ । हिजो ९० अकं भन्दा धेरैले घटेको शेयर बजार परिसूचक नेप्से आज १२ दशमलव १० अकंले घटेर दुई हजार सात सय २७ दशमलव ३६ विन्दुमा झरेको छ ।
आज माइक्रोफाइनान्स र व्यापार बाहेक सबै समूहको शेयर घटेकोमा बीमा समूहको शेयर उच्च अकंले ओरालो लागेको छ । आज नेपाल फाइनान्स कम्पनीको शेयर सबैभन्दा धेरै झन्डै नौ प्रतिशतले घटेको छ । समग्रमा बजार घटेको दिन आत्मनिर्भर लघुवित्त कम्पनीको शेयर बने १० प्रतिशतले बढेको छ ।
आज कारोबार रकम पनि घटेको छ । आज तीन सय १६ वटा कम्पनीका दुई करोड एक लाख कित्ता शेयर नौ अर्ब ६५ करोड रुपैयाँमा कारोबार भएका छन् । सबैभन्दा धेरै नेपाल फाइनान्सको ४० करोड रुपैयाँको शेयर किनबेच भयो ।
