अवैध लागूऔषध सहित दुई जना पक्राउ
काठमाडौं : धनुषाको मिथिला नगरपालिका-६ ढल्केवर चोकस्थित सडकबाट अवैध लागूऔषध ब्राउनसुगर जस्तो देखिने पदार्थ १० ग्राम ६ सय ५० मिलिग्राम सहित २ जनालाई आइतबार बिहान प्रहरीले पक्राउ गरेको छ ।
पक्राउ पर्नेहरूमा जनकपुर उपमहानगरपालिका-१ भानुचोक बस्ने २५ वर्षीय रबिन्द्र ठाकुर र २४ वर्षीय अमित कुमार साह रहेका छन् । इलाका प्रहरी कार्यालय ढल्केवरबाट खटिएको प्रहरीले जनकपुरबाट बर्दिवासतर्फ जाँदै गरेको मधेश प्रदेश ०२-००६ प ५१०७ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो ।
यस सम्बन्धमा आवश्यक अनुसन्धान गरिरहेको प्रहरीले जनाएको छ ।
