लुम्बिनी प्रदेशमा मन्त्रिपरिषद् विस्तार हुँदै
काठमाडौं : लुम्बिनी प्रदेशमा मुख्यमन्त्री जोखबहादुर महराले आज सरकार विस्तारको तयारी गरेका छन् ।
लुम्बिनी प्रदेश सरकार विस्तारका लागि मन्त्रालयको बाँडफाँटमा सहमति जुटेको छ । बिहीबार बिहान मुख्यमन्त्री कार्यालयमा बसेको दलहरुकोे बैठकले मन्त्रालयको बाँडफाँट टुंग्याएको हो ।
लुम्बिनी प्रदेश सरकारमा अब एमालेले ५, माओवादीले मुख्यमन्त्रीसहित थप २,नागरिक उन्मुक्ति, जसपा र स्वतन्त्र सांसदले एक–एक मन्त्रालय लिनेगरी सहमति भएको बताइएको छ । मन्त्रालय बाँडफाँट टुंगिएसँगै मुख्यमन्त्री महराले आज मन्त्रीहरू नियुक्त गरि शपथ ग्रहण गराउने र आज नै सरकारलाई पूर्णता दिने तयारीमा रहेको जनाइएको छ ।
बुधबार ६ विषयगत समिति र विशेषाधिकार समिति गरी ७ वटा समितिमा ७ जनाको मात्र उम्मेदवारी दर्ता भएपछि सर्वसम्मत रूपमा नेतृत्व छानिएको हो ।