काठमाडौं : राष्ट्रिय ख्रीष्टियन महासंघले पछिल्लो समयमा नेपाली समाजमा धार्मिक तथा जातिय द्वन्द भड्काउने गतिविधि तथा अभिव्यक्तिप्रति आपत्ति जनाएको छ । शुक्रबार राजधानीको संवाद डबलीमा विशेष पत्रकार सम्मेलनको आयोजना गरी महासंघले अनेकतामा एकता नै समृद्ध नेपाल निर्माणको आधार भएकोले आम नेपाली नेपाली समाजलाई सम्यम हुनसमेत अपिल गरेको छ ।
बिज्ञापन
महासंघका अध्यक्ष उद्धव चिमोरियाले नयाँ परिवर्तनसँगै देश धर्मनिरेपक्ष भएको र संविधानमै सबै धार्मिक सम्प्रदायलाई समान अधिकार प्रधान गरेकाले त्यसलाई ध्यान दिन अपिल गरेका छन् ।
अर्को प्रसंगमा चिमोरियाले महासंघलाई केही व्यक्तिहरुले अनिर्णयको बन्दी बनाउन खोजेको र अदालतले त्यसमा रोक लगाएको पनि जानकारी दिए ।
बिज्ञापन
“कार्तिक १३ गते उच्च अदालत पाटनमा केही अनाधिकृत व्यक्तिहरुले माहासंघको आधिकारिक टिमविरुद्ध गरिएको निषेधाज्ञाको रिटलाई सम्मानित अदालतले खारेज गरेको छ, त्यसप्रति हार्दिक आभार व्यक्त गर्दछु” अध्यक्ष चिमोरियाले भने ।
महासंघका उपमहासचिव चेतकुमार श्रेष्ठले कार्तिक १३ गते उच्च अदालत पाटनका न्यायाधीश नेत्र प्रकाश आचार्यको एकल इजलाशले लागाएको निशेधाज्ञालाई आज शुक्रबार न्यायाधिश गणेश प्रसाद रावल र बासुदेव न्यौपानेको संयुक्त इजलाशले खारेज गर्दै संस्थाको कामलाई निरन्तरता दिने बाटो खुल्ला गरे श्रेष्ठले जनाए ।
