एनपीएलको फाइनलमा आज लुम्बिनी र सुदूरपश्चिम भिड्दै

काठमाडौं : नेपाल प्रिमियर लिग (एनपीएल) को तेस्रो संस्करणको उपाधिका लागि लुम्बिनी लायन्स र सुदूरपश्चिम रोयल्स आज भिड्दै छन् । फाइनल खेल आज कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा हुनेछ। खेल साँझ ५ बजे सुरु हुनेछ ।

बिज्ञापन

एनपीएलका अघिल्ला दुई संस्करणमा पनि सुदूरपश्चिम रोयल्स फाइनल पुगेको थियो । पहिलो संस्करणको फाइनलमा सुदूरपश्चिमलाई हराउँदै जनकपुर बोल्ट्सले उपाधि जितेको थियो । सन् २०२४ डिसेम्बर २१ मा भएको फाइनलमा जनकपुरले सुदूरपश्चिमले दिएको १८५ रनको लक्ष्य १९.२ ओभरमा पाँच विकेट गुमाएर पूरा गरेको थियो । सुदूरपश्चिमले पहिले ब्याटिङ गर्दै २० ओभरमा ९ विकेट गुमाएर १८४ रन बनाएको थियो ।

बिज्ञापन

दोस्रो संस्करणमा पनि सुदूरपश्चिम फाइनलसम्म पुगेको थियो । सन् २०२५ डिसेम्बर १३ मा भएको फाइनलमा सुदूरपश्चिमलाई ६ विकेटले हराउँदै लुम्बिनी लायन्सले पहिलो पटक उपाधि जितेको थियो । उक्त खेलमा सुदूरपश्चिम १९.१ ओभरमा ८५ रनमा समेटिएको थियो भने लुम्बिनीले ९ ओभरमै चार विकेट गुमाएर लक्ष्य पूरा गरेको थियो । यससँगै सुदूरपश्चिम लगातार दुई संस्करणमा उपविजेतामा सीमित भएको थियो ।

तेस्रो संस्करणमा लुम्बिनीले आफ्नो उत्कृष्ट प्रदर्शनलाई निरन्तरता दिँदै लिग चरणमा शीर्ष स्थान हासिल गरेको थियो । ११ अंकसहित पहिलो स्थानमा रहेको लुम्बिनीले पहिलो क्वालिफायरमा सुदूरपश्चिमलाई नै ६ विकेटले पराजित गर्दै सिधै फाइनलमा स्थान बनाएको हो । यस संस्करणमा लिग चरणमा पनि लुम्बिनीले सुदूरपश्चिमलाई हराएको थियो ।

बिज्ञापन

यता, पहिलो क्वालिफायरमा पराजित भएपछि सुदूरपश्चिमले फाइनल पुग्न दोस्रो क्वालिफायर खेल्नुपरेको थियो । बिहीबार भएको खेलमा चितवन राइनोजलाई तीन विकेटले पराजित गर्दै सुदूरपश्चिमले लगातार तेस्रो पटक फाइनलमा स्थान सुरक्षित गरेको हो । यससँगै सुदूरपश्चिमले पहिलो पटक एनपीएल उपाधि जित्ने अवसर पाएको छ भने साविक विजेता लुम्बिनी लगातार दोस्रो पटक उपाधि जित्ने लक्ष्यमा छ ।

अब शनिबार हुने फाइनलले एनपीएलको नयाँ इतिहास बनाउनेछ । लुम्बिनीले उपाधि रक्षा गर्दै दोस्रो पटक च्याम्पियन बन्नेछ वा सुदूरपश्चिमले लगातार दुई फाइनलमा भोगेको हारको सिलसिला तोड्दै पहिलो उपाधि जित्नेछ भन्ने निर्णय मैदानमा हुनेछ ।

प्रतिक्रिया दिनूहोस्

यो खबर पढेर तपाईलाई कस्तो महसुस भयो ?

0%

like

0%

love

0%

haha

0%

wow

0%

sad

0%

angry

सम्बन्धित शिषर्कहरु

ताजा समाचार

विस्तृत शान्ति सम्झौताको २० वर्ष : सङ्क्रमणकालीन न्याय टुंग्याउन आयोगको आग्रह

एनपीएलको फाइनलमा आज लुम्बिनी र सुदूरपश्चिम भिड्दै

२०८३ मङ्सिर ५ गते शनिबारको राशिफल

आज दिनभरका प्रमुख २० समाचार

वैशाखको अन्तिममा स्थानीय तह र मंसिरमा प्रदेश निर्वाचन हुनुपर्छ- अध्यक्ष ओली

घोप्टेभिरको पहिरो हटाउन नागढुंगा–मुग्लिन सडक दैनिक पाँच घण्टा बन्द हुने

क्यानको स्पष्टीकरण- एकैपटक २ लाखभन्दा बढीले टिकट किन्न खोज्दा फाइनलको टिकट सकियो

भारत भ्रमण बारे प्रधानमन्त्रीले सुझाव नमागेको गगन थापाको गुनासो