अग्रज पत्रकार ढुंगाना सम्मानित
राष्ट्रिय समाचार समितिमा कार्यरत अग्रज पत्रकार नारायण ढुंगाना सम्मानित भएका छन् ।
शुक्रबार पूर्वाञ्चल विश्वविद्यालयको १२औँ दीक्षान्त समारोहमा ढुंगाना प्रधानमन्त्री पुष्पकमल दाहालद्वारा सम्मानित भएका हुन् । ढुंगाना काठमाडौको कान्तिपुर सिटी कलेजमा आमसञ्चार तथा पत्रकारिताअन्तर्गत स्नातकोत्तर तहमा उत्कृष्ट भएका थिए ।
सम्मानपत्र तथा मेडल प्राप्त गरेपछि सामाजिक सञ्जालमा आफ्नो खुशी साट्दै ढुंगानाले कजेल तथा प्रेरणा दिने सवैमा आभार व्यक्त गरेका छन् । 'जे प्राप्त हुनुपर्ने थियो, पाईयो, खुसीको सीमा छैन । यो मेडल यहाँहरूमै समर्पण गर्दछु, यहाँहरूले कुनै न कुनै रूपमा प्ररेणा दिनुभएको छ ।धन्यवाद कान्तिपुर सिटी कलेज । ' उनले भनेका छन् ।
कान्तिपुर सिटी कलेजको ‘ब्याच २०२०’का छात्र ढुङ्गानाले जिपिए तीन दशमलव ७५ अङ्क ल्याएका थिए । । चितवन घर भई हाल काठमाडौँमा बसोबास गर्दै आएका उनी२० वर्षदेखि पत्रकारितामा संलग्न छन् । राससमा कार्यरत ढुङ्गानालाई आज विश्वविद्यालय परिसर मोरङ सुन्दर हरैचामा सम्मान गरिएको हो ।