आईपीएल : मुम्बईलाई हराएर लखनउ तेस्रोमा
इन्डियन प्रिमियर लिग (आईपीएल) मा लखनउ सुपर जायन्ट्सले आईपीएल २०२४ मा मंगलबार मुम्बई इन्डियन्सलाई चार विकेटले पराजित गर्दै तेस्रो स्थानमा उक्लेको छ । दसौं खेलमा लखनउको १२ अंक भएको छ । हारले मुम्बईको स्थिति अझ खराब भएको छ र छ अंकमा नवौं स्थानमा रह्यो ।
पहिले ब्याटिङ गर्दै लखनउले सात विकेटमा १ सय ४४ रन बनायो । त्यसमा नेहल वाधेराले सर्वाधिक ४६ रन बनाए । जवाफमा लखनउले १९।२ ओभरमा छ विकेट गुमाएर १ सय ४५ रन बनायो ।
‘प्लेयर अफ द म्याच’ मार्कस स्टोइनसले ४५ बलमा ६२ रन बनाएर जितको आधार खडा गरे । उनले सात चौका र दुई छक्का प्रहार गरे ।
